Maxfiylik siyosati

1. Xizmat kimniki

RozgorAi — Telegram'dagi oilaviy xarid ro'yxati yordamchisi: bot @RozgorAiBot va uning Mini App ilovasi. Ushbu siyosat bot, Mini App, rozgorai.uz va rozgor.laevzanjir.com/start sahifalariga tegishli.

2. Qanday ma'lumot olamiz

• Telegram ma'lumotlari: Telegram ID, ism, username, tanlangan til.
• Siz yozgan narsalar: ro'yxatlar va mahsulotlar, botga yozgan xabarlaringiz.
• Ovoz va rasm: faqat siz yuborganda, ichidagi ro'yxatni aniqlash uchun.
• To'lov holati: tarif, summa, muddat, to'lov sanasi. Karta ma'lumotlari bizda saqlanmaydi: to'lov Payme, Click yoki Paynet sahifasida o'tadi.
• Oila: siz oilaga qo'shgan a'zolar va umumiy ro'yxatlar.
• Foydalanish statistikasi: IP manzil bo'yicha aniqlangan davlat, viloyat va shahar (bu maqsadda IP manzilning o'zi saqlanmaydi), qurilma turi (iPhone, Android, kompyuter yoki veb), Telegram Premium holati, Mini App'dan foydalanish sanalari.

3. Nima uchun

• Xizmatni ishlatish: ro'yxat tuzish, eslatma, hisobot.
• Xabaringizni, ovozingizni yoki rasmingizni AI yordamida tushunish.
• Ro'yxatni oila a'zolaringiz bilan bo'lishish.
• To'lovni tasdiqlash va Premium tarifni yoqish.
• Umumiy statistika: foydalanish statistikasi faqat jamlangan (umumiy) hisob uchun ishlatiladi va uchinchi tomonlarga berilmaydi.

4. Reklama samarasi va tashrif statistikasi

rozgorai.uz va rozgor.laevzanjir.com/start sahifalarida Meta Pixel va Meta Conversions API ishlatiladi. Shu orqali reklama qanchalik foyda berganini bilamiz.

Reklama sahifasi va Mini App'da Google Analytics va Yandex Metrika ishlatiladi. Ular faqat umumiy statistika beradi: nechta odam kirgani, qaysi sahifa ochilgani, tashrifchilarning yoshi, jinsi va qiziqishlari ulushi (foizda).

• Cookie'lar: rz_til (tanlagan tilingiz, 1 yil), _fbp va _fbc (Meta reklama cookie'lari).
• Meta'ga yuboriladi: IP manzil, brauzer ma'lumoti (user agent), _fbp / _fbc, reklama havolasidagi klik belgisi (fbclid) va Telegram ID'ning shifrlangan (SHA-256 xesh) ko'rinishi. Ismingiz, xabarlaringiz va ro'yxatlaringiz Meta'ga yuborilmaydi.
• Hodisalar: sahifani ochish, tugmani bosish, botni boshlash, ilovadagi asosiy harakatlar (masalan, birinchi mahsulot qo'shish, to'lov). Faqat shu sahifa orqali kelgan foydalanuvchilar uchun.
• Analitika cookie'lari: _ga va _ga_* (Google Analytics), _ym_uid, _ym_d va boshqa _ym_* (Yandex Metrika) — tashriflarni sanash uchun.
• Google va Yandex'ga yuboriladi: sahifa manzili (Telegram ma'lumotisiz va ortiqcha parametrlarsiz), brauzer va qurilma ma'lumoti, IP manzil (uni xizmatlarning o'zi qayta ishlaydi) va Mini App'da ichki raqam. Ichki raqam Telegram ID'dan maxfiy kalit bilan yasaladi, undan Telegram ID'ni tiklab bo'lmaydi. Telegram ID, ism, telefon, xabarlar va ro'yxatlar yuborilmaydi.
• Google va Yandex'ga faqat 2 hodisa ketadi: sahifani ochish va Mini App'ni ochish. Webvisor (ekran yozuvi) va klik xaritasi o'chiq.
• Google va Yandex'dan biz faqat umumiy foizlarni olamiz (yosh guruhlari, jins, qiziqishlar). Alohida odam haqida ma'lumot olinmaydi.
• Qaysi reklamadan kelganingiz: havoladagi reklama belgilari (platforma, kampaniya, guruh va e'lon nomi yoki raqami, joylashuv, kalit so'z, qurilma turi, hudud, ba'zi platformalarda yosh guruhi va jins), ilova brauzeri yoki oldingi sayt nomi bo'yicha aniqlangan manba. Bu faqat reklama samarasini hisoblash uchun ishlatiladi, Telegram ID'ingiz bilan faqat bizning bazada bog'lanadi va hech kimga berilmaydi.

5. Kimlar bilan bo'lishamiz

Ma'lumotingizni sotmaymiz. Faqat xizmat ishlashi uchun quyidagilarga beriladi:

• Telegram — bot va Mini App shu orqali ishlaydi.
• Cloudflare — server, ma'lumotlar bazasi va AI shlyuzi (Workers, D1, R2, AI Gateway).
• AI qayta ishlash: Cloudflare Workers AI (Qwen modeli), OpenAI (GPT modeli) va Google Gemini. Xabar, ovoz yoki rasm faqat javob tayyorlash uchun yuboriladi.
• To'lov tizimlari: Payme, Click, Paynet — faqat to'lovni o'tkazish uchun.
• Meta — 4-bo'limda yozilgan reklama o'lchovi.
• Google (Google Analytics) va Yandex (Yandex Metrika) — 4-bo'limda yozilgan tashrif statistikasi.

6. Qayerda va qancha saqlanadi

• Ma'lumotlar Cloudflare serverlarida saqlanadi.
• Hisobingiz va ro'yxatlaringiz botdan foydalanayotgan vaqtingizgacha saqlanadi.
• Eski xabarlar har oy Cloudflare arxiviga ko'chiriladi.
• Reklama sahifasining tashrif kodi 7 kun amal qiladi.
• To'lov yozuvlari hisob-kitob uchun saqlanadi.

7. Ma'lumotni o'chirish

Ma'lumotlaringizni o'chirishni xohlasangiz, @RozgorAiBot ga «Ma'lumotlarimni o'chiring» deb yozing. So'rovingizni 30 kun ichida bajaramiz. To'lov yozuvlari qonun talab qilgan muddat davomida saqlanib qolishi mumkin.

8. Aloqa

Mini App → Sozlamalar → «✉️ Savol, taklif yoki shikoyat uchun» orqali yozing.

9. O'zgarishlar

Siyosat o'zgarsa, shu sahifada yangi sana bilan e'lon qilamiz.